Lainioälven eller Lainio älv (tornedalsfinsk Lainionjoki eller Lainionväylä, på svensk òg kalla Urälven) er ei elv i Norrbottens län i Sverige. Ho er ei sideelv til Torne älv, og er 266 km lang.
Elva vert danna ved samløpet av tilløpselvane Harrejåkkå og Råstätno, som begge har utspring frå grenseområda mot Målselv kommune i Troms fylke i Noreg. Elva munnar ut i Torne älv rundt 10 km søraust for Junosuando. Dei største sideelvane er Pulsujoki, Åggojokka og Saankijoki. Tettstader langs Lainioälven er Kangos og Övre Soppero.
Lainioälven vert rekna som ei fiskeelv, og har rike førekomstar av gjedde, åbor, harr, og laks i juli og august.
Kjelder Denne artikkelen bygger på «Lainioälven» frå , den 18. juni 2012.
Bakgrunnsstoff Lainio Vildmark – bilete og info
Kategori:Elvar i Sverige Kategori:Norrbottens län