Bo Hilding Martin Lundström () var ein svensk langrennar i frå Norsjö kommun, som tok to gullmedaljar under vinter-OL 1948 i St. Moritz i Sveits. Etter bragdene i St. Moritz fekk han tilnamnet "Guld-Martin", eit kallenamn som sidan fylgde han heile livet.
Lundström var også med i ski-VM 1950 i Lake Placid. Etter å ha vorte nummer åtte på 18 km, gjekk han tredjeetappen på det sigerrike svenske staffetlaget som vann VM-gullet med nærare to minuttars margin til Finland. På femmila vart han nummer ni.
Under Vinter-OL 1952 i Oslo fekk han ikkje gå nokon av dei to indivudelle renna. Derimot gjekk han på sisteetappen Sverige inn til bronse, bak dei suverne olympiameistrane frå Finland og nøyaktig eitt minutt bak ankermannen Hallgeir Brenden på Noregs sølvlag.
I SM-sammanhang vann Lundström seks gull-, fem sølv- og fem bronsemedaljar i perioden 1941-57. Han vart også svensk stafettmeister i lag med IFK Umeå sju gongar.
Etter si tid som aktiv dreiv Lundström ein sportsbutikk, Martins vapen och sport, i Umeå.
År 1982 byrja han å tevle i veteransamanhang, og har sidan vunne meir enn 30 VM-gull. Så seint som 2008 deltok Lundström, nærare 90 år gammal, i veteran-SM.
Bakgrunnsstoff Profil med bilete
Kjelder
Denne artikkelen bygger på «Martin Lundström» frå , den 15. juli 2012. P.Chr. Andersen:Den nye olympiaboken, 1957
Kategori:Svenske langrennsløparar Kategori:Verdsmeistrar i langrenn Kategori:Olympiske medaljevinnarar i langrenn Kategori:Olympiske meistrar for Sverige Kategori:Olympiske bronsemedaljevinnarar for Sverige Kategori:Medaljevinnarar under vinter-OL 1948 Kategori:Svenske deltakarar under vinter-OL 1948 Kategori:Langrennsløparar under vinter-OL 1948 Kategori:Medaljevinnarar under vinter-OL 1952 Kategori:Svenske deltakarar under vinter-OL 1952 Kategori:Langrennsløparar under vinter-OL 1952