«I Can't Dance» er ein song av det engelske rockebandet Genesis frå 1991 på albumet We Can't Dance. Han var den andre singelen frå albumet og nådde sjuandeplassen på singellistene i både USA og Storbritannia. I Nederland gjekk singelen heilt til topps på salslista.
Bakgrunn Mike Rutherford skapte hovudriffet under innspelinga av albumet. Dette var til ein song han kalla «Heavy A Flat», før Phil Collins brått improviserte «I Can't Dance!». Riffet var inspirert av ein reklame for Levi Strauss & Co. TV som nytta The Clash-song «Should I Stay Or Should I Go». Opphavleg tenkte bandet berre på songen som ein spøk, fordi songen var for enkel, for bluesaktig og for ulik stilen til Genesis. Tony Banks sa i eit intervju «Det var ein av dei musikkstykka du trur aldri kjem til å bli noko av. Det var gøy, men det var ikkje noko spesielt».
Det var først då Banks la på klaver at songen tok ein heilt ny retning og med litt humor inne i biletet valde bandet å spele songen inn skikkeleg.
Musikkvideo Den humoristiske musikkvideoen (regissert av Jim Yukich) syner kunstgrepa og den falske glamoren i fjernsynsreklame. Phil Collins sa at vidoeen var laga for å gjere narr av modellane i jeansreklamar, og at kvart vers syner til ting som modellane i desse reklamane gjer. Slutten er ein parodi på videoen til «Black or White» av Michael Jackson.
Songen skapte «I Can't Dance»-dansen som bestod av ei rekkje stive rørsler.
Utgjeving Singelen vart gjeven ut med ein lengre remix kalla «Sex Mix». Denne vart sidan gjeven ut på Genesis Archive 2: 1976-1992 som «12" Mix». Miksane var laga av brørne Howard Gray og Trevor Gray frå Apollo 440.
B-sida «On the Shoreline» vart òg sidan gjeven ut på Genesis Archive 2: 1976-1992.
På singelutgjevinga av «Jesus He Knows Me» finn ein òg ein miks kalla «I Can't Dance (the other mix)».
Konsertversjonar «I Can't Dance» vart spelt på dei fleste konsertane til Genesis etter songen kom ut. Konsertopptak finst på albuma The Way We Walk, Volume One: The Shorts og Live Over Europe 2007, i tillegg til DVDane The Way We Walk - Live in Concert og When in Rome 2007.
Ray Wilson, som tok over som songar i Genesis etter Collins, fortsette å spele songen solo etter han slutta i Genesis. Dette var ein meir bluesaktig versjon.
Innhald
CD maxi - Europa «I Can't Dance» — 4:02 «On the Shoreline» — 4:47 «In Too Deep» (live) — 5:28 «That's All» (live) — 4:54
CD maxi - USA «I Can't Dance» (LP version) — 4:00 «On the Shoreline» — 4:45 «In Too Deep» (live) — 5:28 «That's All» (live) — 4:54 «I Can't Dance» (sex mix) — 6:59
7" singel «I Can't Dance» — 4:01 «On the Shoreline» — 4:46
12" maxi «I Can't Dance» — 4:02 «On the Shoreline» — 4:47 «I Can't Dance» (sex mix) — 6:59
Salslister og salstrofé
Vekeslister Liste (1992)PlasseringPoland (LP3)3US Billboard Hot 100Billboard [ Allmusic.com] (Henta 9. august 2008)7US Billboard Hot Adult Contemporary Tracks26US Billboard Hot Mainstream Rock Tracks2
Årslister Liste (1992)PlasseringAustralia (ARIA)67Austerrike (Ö3 Austria Top 40)14Belgia (Ultratop)12Canada Top Singles (RPM)27Tyskland (Official German Charts)24Nederland (Nederlandsk Topp 40)16Nederland (Single Top 100)20Sveits (Schweizer Hitparade)32US Billboard Hot 10055
Salstrofé
Kjelder Fielder, Hugh (2000). Genesis Archive #2: 1976—1992 [CD liner notes]. Gelring Ltd.
Bakgrunnsstoff
Kategori:Songar frå 1991 Kategori:Singlar frå 1992 Kategori:Genesis-songar Kategori:Nummer-ein-singlar i Nederland Kategori:Songar skrivne av Tony Banks Kategori:Songar skrivne av Phil Collins Kategori:Songar skrivne av Mike Rutherford Kategori:Atlantic Records-singlar Kategori:Virgin Records-singlar Kategori:Songar om dansing