Anton Jørgensen Røstøen () var ein norsk lærar, gardbrukar og stortingsmann frå Vestre Toten. På Stortinget representerte han Venstre.
Røstøen var son til ein gardbrukar. Sjølv vart han i 1861 seminarist frå Asker. Åra 1862-68 var han lærar i Vestre Toten. Sidan var han brukseigar, handelsstyrar og inkassokrevjar. Frå 1886 var han gardbrukar på Holte i Vestre Toten. Han var i mange år ordførar i Vestre Toten.
Røstøen representerte Kristians amt på Stortinget frå 1895 til 1900. Heile tida var han medlem av tollkomiteen.
Røstøen budde dei seinare år i Kristiania og døydde der.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Folk frå Vestre Toten