Rakiura National Park er eit naturreservat på Stewart Island/Rakiura på New Zealand. Han dekkjer eit areal på 1 570 km², dette er om lag 85 % av Stewart Island, som er den tredje største øya på New Zealand.
Historie Nasjonalparken vart offisielt opna 9. mars 2002 som den 14. av nasjonalparkane på New Zealand. Ved opninga var statsministeren Helen Clark, miljøministeren Sandra Lee og fjellklatraren sir Edmund Hillary.
mini|venstre|Robert Beck sin kjedeskulptur ved inngangen til Rakiura nasjonalpark.
Parken er sett saman av eit nettverk av tidlegare naturreservat, andre verna område og statlege skogar. Han omfattar ikkje det bymessige området kring Halfmoon Bay (Oban), ein del vegar, eller ein del privat eller maori-eigd land lenger innover i landet.
Ein kjedeskulptur ved inngangen til parken symboliserer maorimytologien om øya, som seier at Sørøya er danna av kanoen til halvguden Māui og at Rakiura utgjorde ankeret. Det alternative namnet på øya, «Te Punga o Te Waka a Māui», tyder ‘ankeret til Māui sin kano’. Skulpturen blei utforma av kunstnaren Russell Beck frå Southland, og blei avduka som del av opninga av nasjonalparken. I 2008 blei det reist ein liknande skulptur i Bluff som representerer den andre enden av kjeda.
Den populære turruta Rakiura Track ligg inne i nasjonalparken.
Natur mini|Utsyn over skogen i nasjonalparken.
Mange stadeigne fugleartar held til i parken, og Rakiura byr kanskje på dei beste høva på New Zealand til å sjå kiviar i naturlege omgjevnadar. Dette er delvis også på grunn av at det ikkje finst røyskatt eller ilder på øya. Det er sørbrunkivi eller tokoeka som lever på øya, den største kiviarten. Ein reknar med at det finst rundt 15 000 kiviar på Stewart Island/Rakiura.
Somme kystområde i parken er hekkeområde for den trua arten gulaugepingvin.C. Michael Hogan. 2009. Yellow-eyed Penguin: Megadypes antipodes, GlobalTwitcher.com, ed. N. Stromberg
Kjelder
Denne artikkelen bygger på «Rakiura National Park» frå , den 30. november 2012.
Bakgrunnsstoff Department of Conservation informasjon om Rakiura National Park.
Kategori:Nasjonalparkar på New Zealand Kategori:Stewart Island/Rakiura