Lincoln Ellsworth () var ein amerikansk polfarar, ingeniør, landmålar og forfattar. Han leidde dei fyrste overflygingane over Arktis og Antarktis.
Liv og virke Ellsworth var fødd i Chicago i Illinois som son av James Ellsworth og Eva Frances Butler. Faren var ein velståande kolgruveeigar og finansmannhttp://pabook2.libraries.psu.edu/palitmap/bios/Ellsworth__Lincoln.html som donerte 100 000 dollar for å finansiere Roald Amundsen-ekspedisjonen til Nordpolen i 1925 med flygemaskinane «N–24» og «N–25».
Ellsworth deltok som navigatør på «N–24» der Leif Ragnar Dietrichson var flygar og Oskar Omdal mekanikar, medan Hjalmar Riiser-Larsen var flygar, Roald Amundsen sin navigatør, og Karl Feucht mekanikar på «N–25». Dei to luftskipa starta frå Ny-Ålesund på Svalbard den 21. mai 1925. Dei landa på 87° 44' nord, men hadde store vanskar med å kome i lufta igjen. «N–24» var skadd og måtte etterlatast. Først 15. juni hadde dei fått laga ein provisorisk startbane på 500 meter på isen der dei makta å ta av med «N–25» og kome velberga tilbake til Spitsbergen.
Saman med Amundsen er Ellsworth og mannskapet ombord i luftskipet «Norge» blitt kreditert for å ha vore dei første til å oppdage Nordpolen frå lufta under ei flyging frå Ny-Ålesund på Spitsbergen til Alaska i mai 1926.
Kjelder
Denne artikkelen bygger på «Lincoln Ellsworth» frå , den 2. januar 2013. oppgav desse kjeldene:
Bakgrunnsstoff Lincoln Ellsworth ved south-pole.com
Kategori:USA-amerikanske oppdagarar Kategori:USA-amerikanske polfararar Kategori:Arktisfararar Kategori:USA-amerikanske antarktisfararar Kategori:Medaljen for edel dåd Kategori:Folk frå Chicago