Eivind «Billy» Higford Eckbo (), òg kalla Eivind Eckbo jr., var ein norsk advokat, gardbrukar og politikar. Han spela ei sentral rolle i oppbygginga av Anders Langes Parti/Framstegspartiet.
Bakgrunn Eckbo var son av høgsterettsadvokat og industrigründar Eivind Eckbo og den engelske kona hans, Alice Higford, som skilde lag i 1930. Han budde difor hos fosterforeldre i København – doktor og direktør ved Statens Serum Institut Thorvald Madsen og kona Emilie Misse (fødd Gad).
Eckbo overtok storgarden Borgja i Bø i Telemark etter far sin i 1950. Han tok juridisk embetseksamen i 1952 og fekk advokatløyve det same året.Teledølen 25. juni 1952 og 10. november 1952. Ti år seinare, i 1962, opna han advokatforretning i Oslo.
Politisk karriere Eckbo byrja det politiske virket sitt i Bondepartiet i Telemark. I 1973 stilte han som 2. kandidat til Stortinget frå Telemark for Anders Langes Parti og vart den første formannen i partiets fylkesorganisasjon i Telemark. Eckbo var partiformann 1974–1975 i ein overgangsperiode etter at Anders Lange døydde. Partiet fekk etterfølgjaren sin i Framstegspartiet (FrP) i 1977. Eckbo var nestformann i Framstegspartiet 1978–1980 og 1982–1984, ordførar i landsstyret 1976–1986, medlem av Telemark fylkesting 1976–1987 og FrPs 2. vararepresentant til Stortinget frå Oslo 1989–1997. Eckbo var òg medlem av Riksrevisjonen og Oslo kommunes kontrollutval og overligningsnemnd.
Eckbo var tillitsvald i landbruksorganisasjonane og tok på seg styreverv innan industri og eigedomsutvikling. Han deltok i konkurranseriding og veddelaup både som utøvar og idrettsleiar. Han var òg leiar og forretningsførar for Eckbos Legat, som vart oppretta av far hans, og engasjerte seg for kulturminnevern.
Privatliv Eckbo var gift tre gonger, sist med FrP-politikaren Margaret Eckbo (fødd Thorgrimsen).
Kjelder
Bakgrunnsstoff
Kategori:Norske politikarar Kategori:Norske advokatar Kategori:Norske gardbrukarar Kategori:Leiarar for Framstegspartiet