«Dance Tonight» er ein song av Paul McCartney frå 2007 på albumet Memory Almost Full. Songen vart gjeven ut som digital singel i Storbritannia den 18. juni 2007, 65-årsdagen til McCartney. Ei veke seinare debuterte songen på 34. plassen på UK Singles Chart. Den britiske singelen vart òg gjeven ut som ei biletplate. Den 1. juli nådde songen 26. plassen på den britiske singellista. Songen vart nominert til Grammyprisen for beste mannlege popsong i 2008.
I USA vart songen gjeven ut som den andre singelen frå albumet. Songen nådde 69. plassen på Billboard Hot 100.
McCartney framførte songen live i ein duett med den australske songaren Kylie Minogue på nyårssendinga til Jools Holland i 2007.
Det vart laga ein musikkvideo for songen, regissert av Michel Gondry, med Natalie Portman og Mackenzie Crook som skodespelarar.
Opphav Den venstrehendte mandolinen som vert nytta i songen vart kjøpt i ein gitarbutikk McCartney ofte vitja i London.Audio Commentary from deluxe edition of Memory Almost Full. Kvar gong han spelte på mandolinen byrja den då tre år gamle dottera Beatrice å danse, og McCartney hevda at songen så skreiv seg sjølv. Det var den siste songen spelt inn for albumet.
Innspeling «Dance Tonight» vart spelt inn i januar-februar 2007 i RAK Studios i London med McCartney på mandolin, elektrisk gitar, bass, trommer, klaverinstrument, perkusjon og autoharpe.Luca Perasi, Paul McCartney: Recording Sessions (1969-2013), L.I.L.Y. Publishing, 2013, , p.400.
Innhald
7" «Dance Tonight»
Internasjonal CD «Dance Tonight» «Nod Your Head» (Sly David Short mix) Denne miksen av «Nod Your Head» inneheld ekstra produksjon av Sly Dunbar og vokal av Lady Saw, Sizzla og Cherine.
Salslister Liste (2007)PlasseringUK Singles Chart26US Billboard Hot Digital Songs46US Billboard Pop 10058US Billboard Hot 10069
Medverkande Paul McCartney – vokal, mandolin, trommer, perkusjon, sologitar, bassgitar, klaverinstrument
Kjelder
Denne artikkelen bygger på «Dance Tonight» frå , den 26. mai 2018. oppgav desse kjeldene:
Kategori:Singlar frå 2007 Kategori:Paul McCartney-songar Kategori:Musikkvideoar regisserte av Michel Gondry Kategori:Songar skrivne av Paul McCartney Kategori:Songar frå 2007 Kategori:Songar produserte av David Kahne