Aleqa Hammond () er ein grønlandsk politikar. Ho var statsminister på Grønland frå 2013 til 2014 og representerte partiet Siumut.
Bakgrunn Hammond er fødd i Narsaq, men vaks opp i Uummannaq. På morssida tilhøyrer ho ei grønlandsk grein av den norsk-danske slekta Hammond. Før ho blei politikar jobba ho med turisme i Diskobukta, Nuuk og Qaqortoq.
Karriere I 2005 blei Hammond vald inn på Grønlands landsting, og blei familie- og justisminister. Frå 1. juli 2007 til 12. juni 2009 var ho finans- og utanriksminister. Ho blei 2. juni 2009 formann i Siumut.
I mars 2013 leia Hammond partiet til valsiger. Ho blei dimed den fyrste kvinnelige statsministeren på Grønland.«Ny politisk stjerne til topps på Grønland» , Aftenposten, 13. mars 2013.
I oktober 2014 førte Hammond sitt misbruk av offentlege middel til private føremål til regjeringskrise. Hammond trekte seg som partileiar.«Regjeringsleder i hardt vær», NRK, 2. oktober 2014. Lest 1. november 2014. Det blei utlyst nyval.«Regjeringskrise på Grønland», adressa.no, 2. oktober 2014. Lest 1. november 2014. Kim Kielsen overtok som partileiar og fungerande regjeringssjef.«Portræt: Tidligere betjent skal rydde op i Siumut», Børsen, 18. oktober 2014. Lest 1. november 2014.
I 2015 blei Hammond den eine av to representantar frå Grønland i det danske Folketinget, som representant for Siumut. I 2016 blei ho ekskludert av Siumut, etter å ha misbrukt kredittkortet til Folketinget til private føremål.
I 2018 slutta Hammond seg til Nunatta Qitornai, eit utbrytarparti frå Siumut. Ho stilte til val ved landstingsvalet på Grønland, men blei ikkje vald. Ho gjekk ut av Folketinget i 2019.
Kjelder
Denne artikkelen bygger på «Aleqa Hammond» frå , den 14. mars 2024.
Kategori:Grønlandske landsstyreformenn Kategori:Folketingsmedlemmar frå Siumut