Pascal Hens () er ein tysk tidlegare handballspelar. Han vart europameister 2004 og verdsmeister 2007 med Tysklands landslag. I 2013 vann han meisterligaen med HSV Hamburg. 203 cm lange Hens var venstre rykkromspelar.
Karriere Klubbspel Hens fekk sitt gjennombrot med Wallau/Massenheim i 2001. Frå sommaren 2003 gjorde han teneste i HSV Hamburg, heilt til klubben gjekk konkurs og vart avvikla i februar 2016. Med dette laget vann han i tida 2006-13 den tyske pokalturneringa to gongar, cupvinnarcupen 2007, bundesligaen i 2011 og meisterligaen i 2013. Våren 2016 var han aktiv i danske HC Midtjylland. Han la opp etter ein sesong med Balingen-Weilstetten.
Landslagsspel Hens debuterte for det tyske landslaget 13. mars 2001 i Rostock mot Noreg. Han spelte EM-finale i 2002, VM-finale i 2003 og OL-finale i 2004, tre kampar som alle enda med tysk tap. I særleg dei to siste finalekampane var han mellom Tysklands beste. Under Handball-EM 2004 skåra han 6 av dei tyske måla då det vart triumf i finalemøtet med arrangørlandet Slovenia. Også tre år seinare stod han for 6 nettkjenningar då Tyskland sigra i VM-finalen 4. februar 2007 på heimebane i Köln. Han deltok i sin 199. og siste landskamp under Handball-EM 2012. Hens skåra 565 mål for Tyskland.
Merittar EM 2002: Sølvmedalje, 31–33 mot Sverige VM 2003: Sølvmedalje, 31–34 mot Kroatia Sommar-OL 2004: Sølvmedalje, 24–26 mot Kroatia EM 2004: Gullmedalje, etter 30–25 over Slovenia VM 2007: Gullmedalje, etter 29–24 over Polen Vinnar av EHF-meisterligaen: 2013 for HSV Hamburg Vinnar av EHF-cupvinnarcupen: 2007 for HSV Hamburg Tysk pokalmeister: 2006 og 2010 for HSV Hamburg Tysk ligameister: 2011 for HSV Hamburg
Kjelder
Denne artikkelen bygger på «Pascal Hens» frå , den 10. august 2024.
Kategori:Tyske handballspelarar Kategori:Verdsmeistrar i handball Kategori:Europameistrar i handball Kategori:Olympiske medaljevinnarar i handball Kategori:Olympiske sølvmedaljevinnarar for Tyskland Kategori:Medaljevinnarar under sommar-OL 2004 Kategori:Tyske deltakarar under sommar-OL 2004 Kategori:Handballspelarar under sommar-OL 2004 Kategori:Tyske deltakarar under sommar-OL 2008 Kategori:Handballspelarar under sommar-OL 2008