Anárjohka nasjonalpark (nordsamisk: Anárjoga álbmotmeacci) er ein nasjonalpark sør i Finnmark fylke oppretta ved forskrift i 1975. Saman med den tilgrensande finske nasjonalparken Lemmenjoki utgjer parken eit stort, urørt naturområde i nord. Nasjonalparken ligg avsides til på ein urørt del av Finnmarksvidda. Eit bølgande viddelandskap med bjørkeskog, furumoer, store myrer og mange vatn pregar nasjonalparken.
Parken endra i juli 2021 namn fra Øvre Anarjokka nasjonalpark til Anárjoga álbmotmeacci/Anárjohka nasjonalpark.Forskrift om endring i forskrift om Øvre Anarjokka nasjonalpark, Karasjok og Kautokeino kommuner, Finnmark; lovdata.no
Plassering Anárjohka nasjonalpark ligg aust på Finnmarksvidda og omfattar areal i Karasjok og Kautokeino kommunar i Finnmark fylke.
Vern og bruk Formålet med Anárjohka nasjonalpark er å ta vare på eit stykke av Finnmarksvidda med eit representativt utval av dei naturtypar som forekjem der, så som furuskog, bjørkeskog og vidde med kratt, myr, vatn, elvar og låge fjell. Dyre- og plantelivet skal få utvikle seg mest mogleg fritt utan påverkning frå menneske.
Verneforskriften tillèt tradisjonell reindrift. Bygging av gammer for reindrifta og eit avgrensa tal hytter eller buer for ålmen bruk, kan tillatast av Fylkesmannen som forvaltingsstyresmakt.
Referanser
Bakgrunnsstoff Direktoratet for naturforvalting, informasjon om Øvre Anarjóhka (sic!) nasjonalpark. PDF-kart over Øvre Anarjåkka (sic!) nasjonalpark Forskrift om fredning av Øvre Anarjokka (sic!) nasjonalpark, Karasjok og Kautokeino kommuner, Finnmark DNT-turplanleggar
Kategori:Nasjonalparkar i Noreg Kategori:Verneområde i Finnmark Kategori:Verneområde oppretta i 1975 Kategori:Geografi i Karasjok Kategori:Geografi i Kautokeino