Kljazma (russisk Клязьма) er ei elv i Moskva, Vladimir, Ivanovo og Nizjegorod oblast i Russland og ei av sideelvane til Oka frå venstre.
Etter Moskvaelva er ho den nest største sideelva til Oka med ei lengd på 686 km. Nedslagsfeltet hennar er på og middelvassføringa 185 km frå munningen er 147 m³/s. Elva frys til i november og vert isfri att i byrjinga av april.
Elva har kjelda si i Moskvahøglandet nær Solnetsjnogorsk. Frå kjelda renn ho søraustover og i nærleiken av landsbyen Tsjerkizovo snur ho brått austover. Elva renn gjennom Kljaminkoje- og Pirogovskoje-reservoara. Breidda til elva vert somme stader over 200 meter og på det djupaste er ho 8 meter.
Dei største sideelvane hennar er Utsja, Vorja, Sjerna, Kirzjatsj, Peksja, Koloksja, Nerl, Uvol, Teza og Lukh frå venstre, og Polja, Sudogda og Suvorosj frå høgre.
Byar langs Kljazma Gorokhovets Mendelejevo Pavlovskij Posad Vladimir Kovrov Sjtsjolkovo Losino-Petrovskij Noginsk Orekhovo-Zujevo Sobinka Vjazniki
Kjelder
Denne artikkelen bygger på «Клязьма» frå , den 22. oktober 2008.
Kategori:Elvar i Russland Kategori:Elvar i Moskva oblast Kategori:Elvar i Vladimir oblast Kategori:Elvar i Ivanovo oblast Kategori:Elvar i Nizjegorod oblast