Mathias Gotskalksson Dugstad () var ein norsk gardbrukar og stortingsmann frå Voss. Gotskalk Matiasson Seim var far hans.
Dugstad tok eksamen frå Voss høgare allmennskule. Han byrja likevel ikkje som lærar, folketeljinga 1865 viser at han arbeidde heime på farsgarden. Han var gardbrukar på farsgarden frå 1873 til 1906. Han var medlem av heradsstyret på Voss perioden 1876-1901, ordførar 1878-89. Medlem av forlikskommisjonen frå 1879 til 1906.
Dugstad representerte Søndre Bergenhus amt på Stortinget frå 1886 til 1897. Han var 1886-88 medlem av protokollkomiteen, 1889-97 av både Lagtinget og vegkomiteen. I 1893 var han med i den utvida jarnbanekomiteen og i 1897 i den utvida tollkomiteen. Han representerte Venstre i den fyrste valperioden, sidan 1889 var han medlem av det Moderate Venstre.
Han døydde på slektsgarden Dukstad i Voss i 1929.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1886-1888 Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Folk frå Voss Kategori:Norske gardbrukarar frå 1800-talet Kategori:Norske gardbrukarar frå 1900-talet