Ole Peter Schjølberg Rinnan () var ein norsk sjømann og tollbuformann frå Trondheim, aktiv politikar for partiet Høgre.
Rinnan var son til ein skipper i Trondheim, men voks opp i Ibestad hos farbroren Ole P. Schjølberg fram til konfirmasjonsalderen. Han arbeidde som snikkar 1860-65, og var sjømann i kystfart med reiarlaget Nordenfjeldske frå 1865 til 1876. Frå 1872 hadde han styrmannseksamen og frå 1876 skipperborgarskap. Han var så dampskipsførar i kystfart og utanriksfart til 1881 og skipsførar til 1891. Frå 1891 var han arbeidsformann ved tollbua i Trondheim.
Rinnan var medlem av Trondheims bystyre 1895–1901, og av formannskapet i byen 1895–98. Perioden 1904-06 representerte han bykrinsen Trondheim og Levanger på Stortinget, der han var medlem av kyrkjekomitéen.
Han vart tildelt 7. juni-medaljen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1904-1906 Kategori:Stortingsrepresentantar for Trondheim og Levanger Kategori:Stortingsrepresentantar frå Høgre Kategori:Lokalpolitikarar i Trondheim Kategori:Norske tollarar Kategori:Folk frå Trondheim