Alika Milova () er ein estisk songar som opptrer under fornamnet Alika. I 2023 vann ho den estiske songtevlinga Eesti Laul og representerte Estland i Eurovision Song Contest 2023 med songen «Bridges».
Bakgrunn Milova blei fødd inn i ein russisk-estisk familie og vaks opp i Narva, like inntil grensa mot Russland. Ho snakkar både russisk og estisk, og har sunge frå svært tidleg alder. Som barn deltok ho i ulike songtevlingar og tv-show i Estland og Baltikum, blant anna The Baltic Voice, New Wave Junior, Kaunas Talent, Bravo Song Contest og Berlin Perle. Ho blei for alvor kjend i Estland i 2021, då ho vann den åttande sesongen av talentshowet Eesti otsib superstaari (den estiske versjonen av Idol). Med sigeren fekk ho platekontrakt med Universal Music Group.
I november 2022 kunngjorde den estiske kringkastaren ETV at Milova var blant deltakarane i Eesti Laul 2023 med songen «Bridges». Ho deltok i den andre semifinalen i januar 2023 og kvalifiserte seg til finalen laurdag 11. februar. I finalen blei ho kåra til vinnar gjennom telefonavrøysting, og ho fekk representere Estland i Eurovision Song Contest 2023 i Liverpool. Der enda ho på åttandeplass, den beste plasseringa til Estland på fem år. Låten «Bridges» er skriven av Milova sjølv, saman med Wouter Hardy, ein av låtskrivarane til Eurovision-vinnarbidraget «Arcade» i 2019.
Diskografi Singlar 2021 – «Õnnenumber» 2022 – «Bon Appetit» 2022 – «C'est La Vie» 2022 – «Bridges»
Kjelder
Denne artikkelen bygger på «Alika Milova» frå , den 2. mars 2024.
Kategori:Estiske songarar Kategori:Estiske låtskrivarar Kategori:Estiske Eurovision Song Contest-deltakarar Kategori:Estiske Eurovision Song Contest-låtskrivarar Kategori:Eurovision Song Contest 2023-deltakarar Kategori:Eurovision Song Contest 2023-låtskrivarar Kategori:Folk frå Narva