Andrej Sergejevitsj Arsjavin () er ein russisk fotballspelar, som spelar for Arsenal i engelsk Premier League, og for det russiske landslaget.
Arsjavin vart seriemeister i Russland med Zenit St. Petersburg i 2007, og vann UEFA-cupen med den same klubben i 2008. Han vart kåra til årets russiske spelar i 2006.
Arsjavin debuterte for Russland sitt A-landslag 17. mai 2002 i ein kamp mot Kviterussland. Han skåra det første landslagsmålet sitt mot Romania i ein privatlandskamp 13. februar 2003. Han var med i Russland sin tropp til fotball-EM i 2008, sjølv om han var suspendert i dei to første kampane. Han spelte i dei tre gjenverande kampane til Russland i turneringa, og skåra to mål, då Russland gjekk til semifinalen. 11. juni 2009 vart han landslagskaptein for Russland.
Kategori:Russiske fotballspelarar Kategori:Zenit St. Petersburg-spelarar Kategori:Arsenal-spelarar Kategori:Spelarar i Fotball-EM 2008 Kategori:Spelarar i Fotball-EM 2012